Ish-deputeti i Partisë Demokratike, Lefter Maliqi, është shprehur se sipas tij, Partinë Demokratike në Qarkun e Beratit e penalizoi lista e gabuar e kandidatëve për deputetë.
Në një komunikim për “News24”, duke folur nga vendi i numërimit të votave, ai shprehej rreth orës 11:30 se deri atë moment ishin numëruar 30% të votave. I pyetur për PS-në, ai deklaroi se Partia Socialiste do të mundë të sigurojë 5 mandate.
“Tashmë po numërohen disa zona në të cilat PS ka përparësi. Pritet të rritet numri i mandateve për PS. Në përfundim të numërimit, PS do të ketë 5 mandate”, tha Maliqi.
Deri tani, në qarkun e Beratit janë numëruar 131 kuti nga 305 gjithsej, ku PS kryeson me 17.715 vota, përkthyer në 4 mandate.
(XH.A/SHUPLAKA)
Discussion about this post