Ish-deputeti i PS-së shpall kandidaturën për kryetar në bashkinë e Lezhës

Ish deputeti i Partisë Socialiste si dhe kreu i PBDKSH-së Eduard Ndocaj i ftuar në Fax News ka shpallur kandidaturën për kryetar në bashkinë e Lezhës.

“ Unë do jem kandidat për Bashkinë e Lezhës. Kërkoj të më mbështesni, pasi partia ime është e pastër, unë nuk kam pranuar as kriminelë as hajdutë”, ka deklaruar Ndocaj.

Ndocaj u shpreh se është një kontribut që ai do ta japi për qytetin e tij, i cili i dhimbset për gjendjen në të cilën është sot, pas rreth 28 vitesh demokraci dhe ku abuzimet me detyrën nga ana  e kryebashkiakëve dhe cenimet e pasurive publike të Lezhës kanë qenë në nivele alarmante. Ndocaj shprehet se fushata e tij është dinjitoze dhe se do të mbështetet në fakte reale se si ai mundet ta transformojë qytetin.

(M.Q/Faxweb)