Opozita shqiptare zhvillon mbrëmjen e sotme protestën e 9-të kombëtare përpara godinës së kryeministrisë, ku pritet të fillojë në orën 20:00 përmes të cilës kërkohet largimi i Edi Ramës nga drejtimi i qeverisë.
Në një kohë kur përflitet se situata mund të shkojë drejt përshkallëzimit duke pasur parasysh edhe ngjarjet e fundit në Shkodër, por më herët edhe në qytete të tjera të vendit ku është kërkuar (nga ana e bashkive të drejtuara nga përfaqësuesit e opozitës), zbatimi i dekretit të presidentit dhe largimi i materialeve zgjedhore nga KZAZ-të, ish- deputetja, Albana Vokshi ka reagoar në rrjetet sociale.
Vokshi ka publikuar një foto me të bijën, ndërkohë që fton qytetarët shqiptarë që bashkë me familjarët e tyre të marrin pjesë në protestën e sotme kundër qeverisë.
Reagimi i plotë i Vokshit:
Shqipëria proteston kundër Kryehajdutit Edi Rama!
Sot, gratë dhe vajzat e Shqipërisë bashkohen për Shqipërinë si Evropa!
Sot, të gjitha gratë e vajzat do të dalin në protestë, me fëmijët dhe për fëmijët tanë!
Të dashura nëna dhe motra!
Shqipëria po rrëshqet në diktaturë. Ne duhet ta ndalim Edi Ramen që po burgos politikisht gra, vajza e fëmijë!
Sot, të gjitha bashkë, përkrah njëra-tjetrës, do te jemi në marshimin e çlirimit të institucioneve nga krimi i organizuar, në ora 20:00 në bulevardin “Dëshmorët e Kombit”. Të jemi bashkë me familjet tona për #Shqipërinë si Evropa.
(F.GJ/FAXWEB.AL)
Discussion about this post