Gjykata Administrative ka vendosur të përkrahë ministrant Blendi Klosi dhe Ditmir Bushati dhe të mos marrë në konsideratë kërkesën për pavlefshmëri të urdhrit, e kryer nga ish-diplomatja Blerina Zoto.
Këshilltare në misioni diplomatik pranë OKB-së në Gjenevë, Blerina Zoto u shkarkua nga ministri i Mirëqënies Sociale dhe Rinisë, Blendi Klosi, më 13 qershor 2016 për shkak të konfliktit midis saj dhe ambasadores shqiptare në Gjenevë, Filloreta Kodra.
Blerina Zoto kërkon pavlefshmëri të urdhrit për shkarkim dhe vijim të zbatimit të marrëveshjes mes Ministrisë së Mirëqënies Sociale dhe asaj të Jashtme. Kjo për shkak se emërimi i saj në këtë detyrë është bërë në sajë të një marrëveshje mes dy ministrive, e firmosur nga sekretarët e Përgjithshëm përkatës.
Por Gjykata Administrative ka dalë në krah të ministrave, duke lënë në fuqi urdhrin e shkarkimit dhënë nga Klosi dhe Bushati, por me detyrimin që diplomatja të marrë të gjitha pagat e prapambetura.
Procesi gjyqësor është zhvilluar më 1 shtator 2016, por vendimi është zbardhur tre muaj më vonë. Blerina Zoto bëri me dije për “Gazetën Panorama” se ka depozituar pranë Gjykatës së Apelit Administrativ kërkesën kundër vendimit të Gjykatës së Shkallës së Parë. (XH.A/SHUPLAKA)
Discussion about this post