Besjan Pesha, i cili ka qenë kreu i AKBN-së deri në vitin 2012 është shfaqur ditën e sotme në protestën e PD-së.
Pesha, tashmë udhëheqës i “Nismës Thurje” mbajti sot një fjalim në çadrën e PD-së, bërë falenderime Lulzim Bashës.
Ai vlerësoi Bashën si politikan që ka ardhur në ndihmë të qytetarëve dhe i dha atij atributet e zgjidhjes së protestës së Zharrëzës.
“Kam parë një politikan që u investua, mori edhe kosto politike për të ndihmuar njerëz, jo për benefite politike për partinë e vet, dhe u sigurua që të ndihmoheshin, Lulzim Basha dhe e flenderoj për këtë gjë. “, tha Pesha.
”Sot ju përgjigja pozitivisht ftesës së bërë nga Partia Demokratike për të folur rreth betejës së gjatë kundër importit të plehrave në Shqipëri. Betejë e nisur në vitin 2004 dhe që ende vazhdon. Unë besoj se fëmija im nuk mund të rritet në një vend që projektohet si kosh plehrash. Do jem në krah dhe do mbështes gjithnjë çdokënd e çdo organizatë që rreshtohet kundër importit të plehrave. Nëse humbasim këtë betejë, humbasim betejën me jetën!”, sqaroi më tej aktivisti i Nismës Thurje. (D.D/Shuplaka)
Discussion about this post