Jaeld Çela dyshohet se fshihet në shtetin e Panamasë. Deri më tani nga të dhënat që ka administruar prokuroria dyshohet se Jaeld Çela ka dalë nga territori i vendit dhe sipas prokurorëve ka shumë gjasa që të jetë fshehur në Panama, shkruan “Shqiptarja.com”. Sjellim në vëmendje që ish-drejtori i policisë së Vlorës Jaeld Çela, ish-shefi i postës Kufitare Dhërmi, Sokol Bode dhe ish-shefi i Krimeve të Rënda dhe Krimit të Organizuar në drejtorinë e Vlorës, Gjergji Kohila janë shpallur zyrtarisht në kërkim pasi ndaj tyre janë lëshuar urdhër-arreste nga Prokuroria.
Ndërkohë një tjetër burim i tha gazetës “Shqiptarja.com” se operacioni për ndalimin e tre efektivëve të policisë, dyshohet se kanë favorizuar bandën e Habilajve, mendohet se është dekonspiruar. Ky operacion i drejtuar prej kryeprokurorit për Krimet e Rënda Besim Hajdërmataj ka dështuar duke mos arrestuar asnjë prej 3 efektivëve të policisë.
Theksojmë se pavarësisht se bëhej fjalë për një urdhër arresti sekret ndaj Sokol Bodes dhe urdhër ndalimi, po i fshehtë për Jaeld Çelën dhe Gjergji Kohilan, asnjëri prej tyre nuk është arrestuar. Vetëm një ditë më parë Ministria e Brendshme sqaroi se nuk ka mundur ende të arrestojë të siperpërmenduarit. (J.V/Faxweb)
Discussion about this post