Gjykata e Matit miratoi këtë të Martë mandatin e KQZ për kryebashkiakun e ri të Matit, Agron Malaj i dalë nga zgjedhjet e 30 Qershorit.
Malaj është ish-gardist i 21 Janarit, që u shkëput nga drejtimi i OSHEE-së për të hyrë në garën e zgjedhjeve vendore, një person mjaft i anatemuar nga politika lidhur me atë protestë.
Ky është mandati i dytë i konfirmuar nga gjykata për fituesit e zgjedhje të 30 Qershorit në katër bashkitë e Qarkut Dibër.
I pari ishte Ilmi Hoxha për Bashkinë Klos, ndërsa pritet që mandatin ta marrin edhe Lefter Alla për Bashkinë Bulqizë dhe Dionis Imeraj për Bashkinë Dibër.
Ndërkohë duhet bërë konstitimi i këshillave bashkiak dhe betimi i kryetarëve të rinj që këta të fundit të marrin zyrtarisht detyrën.
Mandatet e Këshillave Bashkiak ende nuk janë konfirmuar, pasi ato do t’i kalojnë kolegjit zgjedhor, për shkak se në KQZ duan shumicë të cilësuar votash.
(F.GJ/FAXWEB.AL)
Discussion about this post