Ish-këshilltari i Sali Berishës, Neritan Sejamini, deklaron se kryeministri Edi Rama e ka kthyer politikën si në mesjetë. Këtë deklaratë Sejamini e ka bërë i ftuar në emisionin “Të paekspozuarit”, të gazetarit Ylli Rakipi.
“Edi Rama e shkëputi qeverinë me rilindjen nga godina e partisë. Është asgjësuar procesi politik. Ne tani jemi bërë shoqëri parapolitike. Mënyra se si merret vendimmarrja politike është klanore, jo politike. Në Kavajë kemi modelin e ri, ku larg qoftë të përfundojë Shqipëria. Politika ka ngel mënjanë. Edi Rama e ka bërë si në mesjetë. Sot në politikën moderne quhet kabineti i kuzhinës, këtu kemi arritur sot”, tha Sejamini.
Këto deklarata të Sejaminit vijnë në një kohë ku situata politike është mjaft e tensionuar, së pari për shkak të protestave të opozitës dhe kërkesës për qeveri teknike, së dyti prej zgjedhjeve që po afrojnë, së treti janë zgjedhjet për kryetar bashkie në Kavajë, së katërti jemi pas një rrokade të ministrave të PS-së si edhe prej kultivimit të kanabisit në Shqipëri. (D.D/Shuplaka)
