Para disa ditësh, BIRN zbuloi një dokument ku tregonte se ish-kongresmeni Buck Mckeon ishte kontaktuar nga LSI-ja për të lobuar te qeveria amerikane në favor të saj, si edhe për të siguruar një biletë për ceremoninë e Presidentit Trump.
Por, Meta e ka hedhur poshtë këtë fakt duke komentuar se BIRN është një media sorosiste.
Ndërsa sot, për gazetën “ The Hill”, ish-kongresmeni pranon se LSI ka kontaktuar në firmën lobuese që ai drejton në Uashington.
Sipas një të përditshmeje shqiptare, Mckeon pranon se paguhet nga kjo parti rreth 15 mijë dollarë në muaj për të lobuar tek qeveria amerikane dhe se kërkesa e fundit e Metës, ka qenë ajo e sigurimit të një bilete për ceromoninë e Trumpit. Ish-kongresmeni thotë se ka arritur ta bëjë këtë, por gjithsesi vetë nuk do jetë pjesë e ceremonisë në fjalë.
“Nuk e di se çfarë pozicioni kanë ata dhe çfarë statusi mbajnë përballe vendit tonë”, shprehet ai. “ Por kur njerëzit duan marrëdhënie të mira me qeverinë tonë, mendoj se është gjë e mirë që ne të ndihmojme për përmirësimin e këtyrë marrdhënieve, për të formuar aleanca dhe për të përmbusgur interesa të përbashkëta”, thekson Mckeon.
Ndër të tjera, ish-kongresmeni shton se do të takohet sërish me Metën kur ai te vijë në Uashington për të biseduar rreth kontratës.
“Kur ata të vijnë këtu do të flasim sërish nëse do të vazhdojmë kontratën. Nuk kam ndërmend të bëjë gjëra që dëmtojnë vendit tone, në Shqipëri ka vetëm 3 milionë banorë, dhe nuk mendoj se përbëjnë kërcënim për vendin tonë”, përfundon Mckeon. (K.P/Shuplaka)
Discussion about this post