Ish-kreu i FBI-së, James Comey, ka përforcuar qëndrimin e tij të shprehur më parë me shkrim, ku shkruante se Presidenti i SHBA-ve, Donald Trump, i kishte kishte kërkuar që të ndalte hetimin ndaj ish-këshilltarit të tij.
Përpara Komisionit të Senatit për Shërbimet Sekrete, ai përsëriti ato që kishte shkruar, duke u betuar dhe shprehur deklarata edhe më të forta se më parë. Sipas tij, Trump i kishte thënë:
“Shpresoj që ju të gjeni rrugën për ta mbyllur çështjen e Flynnit.”
Këtë kërkesë, James Comey e kishte kuptuar si urdhër. Flynn konsiderohet si një prej figurave kyçe në aferën për ndërhyrjen e Rusisë në Shtetet e Bashkuara të Amerikës. Kjo dëshmi e fortë e Comey-t tronditi Ëashingtonin zyrtar.
Më tej, ish-kreu i FBI-së kritikoi ashpër akuzat e ngritura ndaj tij, duke shprehur keqardhje që qeveria vendosi të përbalte atë: “Më vjen keq që qeveria vendosi të më përbaltë mua. Dhe më e rëndësishme akoma FBI-në, Ato që u thanë ishin gjënjeshtra të pastra dhe më vjen keq që FBI-së dhe popullit amerikan iu desh t’i dëgjonte ato.”
Pas deklaratave të Comey-t, Trump reagoi me tone luftarake nga Ëashingtoni duke thënë: “Ne do të luftojmë dhe do të fitojmë”
(XH.A/SHUPLAKA)
Discussion about this post