Ish-kryebashkiaku kërcënohet me pistoletë në kokë: Mos i jep shumë gojës!

Dy persona ende të paidentifikuar kanë kërcënuar me pistoletë pasiten e sotme, ish kryetarin e Bashkisë së Leskovikut, Fatmir Guda.

Mësohet se ka qenë vetë Guda, ai që e ka bërë denoncimin në polici.

 “Dy persona me maska mu afruan ndërsa isha vetëm 30 metra larg banesës time dhe më vendosën pistoletën në kokë dukë më thënë ‘mos i jep shumë gojës se do ta pësosh keq’. Atë më kërcënuan edhe nga familja dhe më paralajmëruan që të mos e denoncoj si ngjarje”, ka rrëfyer Guda, shkruan syri.net.

Sipas ish-kryebashkiakut, ky kërcënim ka qëllime politike. Ndër të tjera ai e lidh atë me një denoncim që ai ka bërë në prag të zgjedhjeve lokale që u mbajtën së fundmi në Kolonjë.

Fatmir Guda është gjithashtu nënkryetari i PD-së së Kolonjës dhe anëtar i këshillit bashkiak. (D.D/Shuplaka)