Ish-Kryeministri i Greqisë, Antonis Samaras, ka deklaruar se Kryeministri i Shqipërisë Edi Rama dhe Presidenti i Turqisë Recep Tayyip Erdogan po kërcënojnë shtetin helen.
“Në të vërtetë, Erdogan kërcënon! Por mua nuk më shqetësojnë kërcënimet e Erdoganit, ai gjen dhe bën”, ka thënë për gazetën “Bradini” Samaras.
Sipas tij, dobësimi i Greqisë ka inkurajuar Shqipërinë dhe Turqinë që të reagojnë në këtë mënyrë.
“Greqia është dobësuar dhe kjo është ajo që ka inkurajuar fqinjët provokues. Deri në vitin 2015 ne nuk kishim probleme të tilla”, shprehet ish-kryeministri i djathtë grek.
“Këto kërcënime dhe provokime nuk do të ekzistonin nëse Greqia do të kishte forcuar pozicionin e saj ndërkombëtar”, vijon Antonis Samaras.
Marrëdhëniet mes tre vendeve janë acaruar së tepërmi pas deklaratave të ministrit grek të mbrojtjes, i cili pak ditë më parë i veshur me rrobatushtarake bëri deklarata force në kufi me Shqipërinë.
