Gjykata e Apelit me Juridiksion të përgjithshëm Tiranë, pushon çështjen për anëtarin e FRPD, Oleg Gora, i dënuar me 500 mijë lekë gjobë nga Shkalla e Parë pasi gjuajti me vezë kryebashkiakun e Tiranës Erion Veliaj.
Avokatja Adriana Kalaja, tha pas seancës se Oleg Gora nuk kishte shkelur asnjë lloj ligji.
Ngjarja ndodhi më 14 qershor 2018, pranë një hoteli në qendër të Tiranës, kur Veliaj po hynte në një takim me aktorë lidhur me debatet mbi Teatrin Kombëtar. Në atë moment, i riu, pjesë e Forumit Rinor të Partisë Demokratike (FRPD), e qëlloi disa herë me vezë kryebashkiakun për shkak të detyrës.
Policia ndërhyri menjëherë, ndërsa ndaj 21-vjeçarit u ngrit akuza për veprën penale “Goditje për shkak të detyrës”, sipas nenit 237 të Kodit Penal. Pas një procesi të gjatë hetimor, prokuroria vendosi sot mbylljen e çështjes, duke argumentuar mungesën e bazave të mjaftueshme për ndjekje penale.
Ky vendim shënon fundin e një procesi që ngjalli debate dhe polarizime në opinionin publik.
