Ish-kryetarja e AMA-s – Ramës: S’ka sy të kuq për pushtet, të mundëm me Qytetari

Ish-kryetarja e Autoritetit të Mediave Audiovizive, Endira Bushati, ka reaguar përmes një shkrimi të shkurtër për protestën e djeshme të opozitës.

Në reagimin e saj të postuar në llogarinë e saj në “Facebook”, ajo i drejtohet kryeministrit Rama, duke i shkruar se aq shumë veta sa ishin në shesh mund të kishin bërë ashtu si ndodhi më 21 janar, mund të kishin mësyrë në zyrën e tij e të prishin Kërpudhën, Fluturat, e të merrnin setin e lapsave, për të cilat ajo shprehet se Rama “zbraz përroin psikik të tij”.

Por nuk ndodhi asgjë e tillë, pasi qytetarët e mundën me qytetari.

Shkrimi i Endira Bushatit:

Të mundëm me Qytetari!

Aq shumë sa ishim sot, mund të ta hiqnim atë Strehën dhe Kërpudhën tënde që e ke merak, të hynim në zyrën tënde të të hiqnim Fluturat në zyrë, të të merrnim Setin e Lapsave me të cilat zbraz përroin tënd psiqik.

Të gjitha, provë e pushtetit tënd personal të sëmurë.

Tani, nxirri të gjithë Zagarët e tu Mediatikë të merren me llojin e kafes që pijmë, me xhupat që kemi veshur, me këngët që po këndojmë.

S’ka as hunj, as djegie makinash, as Tom Dosh e Tahir që paguajnë, as kriminelë, as bojë të kuqe, as sy të kuq për pushtet.

(XH.A/SHUPLAKA)