Shkrimtari dhe diplomati Besnik Mustafaj ka analizuar situatën politike në vend dhe protestën e opozitës. Në rubrikën “Opinion”, Mustafaj tha se zgjedhjet pa pjesëmarrjen e opozitës lënë të papërfaqësuar gjysmën e shqiptarëve, sipas tij. Ai shton se mungesa e opozitës në Parlament shkakton krizë politike.
“Gjatë 29 ditëve të kësaj protestë ne nuk kemi asnjë hap afrimi për të mundësuar një kompromis midis palëve. Pas një muaji protestës mund të shtohet vetëm shqetësimi, pasi shohim një qeveri absolutisht të painteresuar për kërkesat e opozitës. Nëse Rama i bën zgjedhjet pa opozitën, atëherë realisht vendi nuk ka zgjedhje. Nëse Basha nuk futet në zgjedhje dhe vendi shkon në zgjedhje të reja pa pjesëmarrjen e opozitës, atëherë lihet gjysma e popullsisë e papërfaqësuar në Parlament. Mungesa e opozitës në Parlament shkakton krizë politike”, tha Mustafaj.
Lidhur me mundësinë e një ndërhyrje ndërkombëtare për normalizimin e situatës në vend, Mustafaj tha se është e vështirë të ndërhyhet në këtë situatë, apo të mbahen qëndrime të caktuara. Sipas tij, duke qenë se kërkesa e opozitës për zgjedhje të lira e të ndershme është demokratike dhe e rëndësishme, ndërmjetësit e kanë të vështirë të ndërhyjnë.
“Në mënyrën sesi është shpalosur tabloja e sotme është e mundur të parashikosh se kush kas kredibilitetin e duhur për të ndërhyrë. Në institucionet ndërkombëtare ka gjithnjë një lloj polarizimi. Nga Parlamenti Evropian ka mbështetje që vijnë për Bashën dhe protestën, nga Këshilli Europian ka thirrje për t’u kthyer në Kuvend e nga ana tjetër nuk ka kritika prej tyre për protestën. Por besoj se edhe “shkesi” e ka të vështirë të veprojë duke marrë parasysh kërkesën që ka opozita”, tha ai.
(M.D/ Shuplaka)
Discussion about this post