Ish-ministri i Punëve Sociale në qeverinë Berisha, Spiro Ksera, i dënuar për shpërdorim detyre, ka marrë leje nga burgu dhe ka shkuar pranë familjes së tij.
Në një foto të publikuar në Facebook, nga një mik i Kserës, shihet ish-ministri përkrah familjarëve të tij.
“Miku im Spiro Ksera pranë familjes, e drejta shumë shpejt do dali”, shkruan personi që ka postuar foton..
Ish-ministri Spiro Ksera ka dalë me leje, por pritet që të përfitojë nga amnistia e fundvitit.
Spiro Ksera është dënuar me akuzën e vjedhjes dhe shpërdorimit të detyrës në fund të mandatit të tij në krye të ministrisë së Punës gjatë vitit 2013.
Ish-ministri, bashkë me 8persona të tjerë, ish-punonjës në këtë dikaster, përmes procedurave fiktive dhe duke falsifikuar dokumenta, kanë vjedhur 30 milionë lekë. Aktivitetet e dyshimta janë raportuar si të organizuara nga 27 qershori deri më 11 korrik 2013. (A.R/SHUPLAKA)
