Ndërsa vitin e ardhshëm qeveria ka parashikuar të rrisë pagat e lehtësisht pensionet, buxheti duket se nuk ka arritur të jetë më shumë social se një vit më parë.Shpenzimet për arsimin, e shëndetësinë vijojnë të kenë të njëjtën peshë në prodhimin e brendshëm bruto, duke mbetur në nivelin rreth 3%.
“Në një kënvështrim afatgjatë ne duhet të rrisim mbështetjen buxhetore, në pjesën e arsimit dhe sidomos në pjesën e shëndetit. Kështu ulim numrin e të varfërve”, është shprehur ish-ministri socialist i Financave Arben Malaj, raporton ABC News.
Pas efekteve të krizës financiare, në shumë vende, hendeku mes të varfërve dhe të pasurve është bërë më i dukshëm. Për ekonomistët, kjo është sfida e buxhetit të shtetit.
“E para dhe kryesorja asnjë shqiptar pavarësisht situatës që ndodhet nuk duhet të jetë në krizë për të mbijetuar, nevojat bazike në çdo shtet marrin prioritet”, shton Malaj.
Sipas tij, mbështetja sociale për vitin e ardhshëm, ka një rritje të lehtë, por mbetet larg objektivit.
Studimi i fundit i Bankës Botërore, i referohet vitit 2012, e tregon se rreth 14% e popullsisë në Shqipëri jeton në varfëri, ndërsa nuk përjashtohet rreziku i rritjes së kësaj shifre vitet e fundit. (A.R/SHUPLAKA)
