Ish-ministri socialist i Financave Elmaz Sherifi ka komentuar situatën politike në të cilën ndodhet vendi, 2 muaj para zgjedhjeve lokale që janë parashikuar të mbahen në 30 Qershor.
Sherifi vë në lojë koalicionin e shpallur nga Partia Socialiste, me 24, parti, duke thënë se nuk kanë asnjë kundërshtar përballë.
Ai nuk ka lënë pa komentuar as Bindjen Demokratike të Astrit Patozit, që sipas tij ende nuk mund të quhet parti, sa kohë që u regjistrua në mënyrë të jashtëligjshme në KQZ.
Reagimi i Sherifit:
“Koalicion, kunder kujt” ?
Partia Socialiste i ka marre aq seriozisht zgjedhjet vendore, sa shpalli edhe koalicionin me 24 parti !? Kunder kujt do konkuroj ky koalicion ?
Mesa kuptohet “Koalicioni Europiane” do qe te sfidoj “bindjen”, e cila, edhe pse nuk eshte krijuar si parti sipas statutit, eshte regjistruar nga KQZ qe te sfidoj koalicionin e majte !?
Por, sado “perbindesh” te jene “te pabindurit”, Rama ka premtuar se Koalicioni Europiane do i fitoj zgjedhjet ne 61 bashkite, nga Shkodra ne Konispol ! Me kete rast “Bindja” ka shanse te behet parti….
Që prej marrjes së drejtimit të PS-së nga kryeministri Rama, Sherifi zgjodhi të largohej nga partia, duke mos i ndalur kritikat ndaj mënyrës sesi është zgjedhur që të qeveriset vendi nga Rilindasit.
(E.K/FAXWEB.AL)
