Ish-ministrja Milva Ikonomi ka qenë ditën e djeshme e ftuar në ‘Pasdite në Top Channel’ ku përveçse ka treguar për familjen dhe jetën e saj ka zbuluar disa detaje të bukura të së shkuarës.
Ajo tregon ‘’çmenduritë” e moshës kur bashkëshorti i saj ishte gjallë dhe e bënte me biçikletë udhëtimin nga Durrësi për në Tiranë, vetëm për një përqafim.
“Kam shkuar nga Tirana në Durrës me biçikletë vetëm për një përqafim. Ose kam udhëtuar për në Llakatund të Vlorës kur familja e tij ndodhej atje. Nuk kisha çfarë t’i blija, ndaj gatova vetë një kek, prita sa u ftoh dhe me makinë rasti u nisa për te ai. Ka qenë udhëtimi më i bukur i jetës sime”.
Më tej Milva tregoi se jeta pa të shoqin, i cili u nda herët nga jeta nuk ka qenë e lehtë. “I kam rritur vajzat e vetme dhe kam arritur t’i edukoj siç ai dhe unë kemi dashur. Kam pasur ndihmën e vjehrrës dhe kunatës gjithashtu. Ndaj vajzat e mia në një farë mënyre e kanë pasur të atin pranë”.
(E.K/FAXWEB)
Discussion about this post