Nevila Xhindi, ish-nënkryetarja e Bashkisë së Tiranës thotë këtë mëngjes, pas shumë zhvillimeve të ditës së djeshme në mediet shqiptare, fjalët që çdo gazetar i lënduar do donte t’i dëgjonte.
Çdo gazetar që kërkon të jetë i lirë e që rend çdo ditë pas lajmit.
”Respekt për punën e profesionalizmin e Armand Shkullakut dhe Alfred Lela! Respekt për çdo gazetar e kameraman që rend çdo ditë për të dhënë lajm! Liria ka kosto të lartë, ama puna e profesionalizmi nuk humbet kurrë! Ditë më të mira do vijnë!”, shkruan Xhindi.
Dje u largua nga ”ABC News” drejtori i Informacionit Armand Shkullaku dhe nga ”Mapo” Alfred Lela. ”ABC News” ka larguar edhe 3 gazetarë të tjerë. (V.G/SHUPLAKA)
Discussion about this post