Partia Socialiste e Shkodrës ka reaguar pas denoncimit të një vajze 20 vjeçare nga Shkodra, ku sipas saj një polic simpatizant i PS-së e ngacmonte seksualisht dhe i dërgonte foto nudo.
Partia Socialiste në Shkodër me anë të një njoftimi shpreh distancimin e prerë ndaj një fenomeni të tillë të shëmtuar dhe denigrues.
Denoncimi i vajzës 20 vjeçare nga Shkodra, u bë publik nga ish kryeministri Sali Berisha në faqen e tij zyrtare në Facebook.
Njoftimi i plotë
Të nderuar qytetarë të qytetit të Shkodrës dhe ju anëtarë dhe simpatizantë të Partisë Socialiste!
Nisur nga denoncimi që u bë publik pak më herët në rrjetet sociale, rreth shtetasit B.Q. për kanosje dhe postime të pamjeve të pahijshme ndaj një 20-vjeçareje nga Shkodra, shprehim distancimin tonë të prerë ndaj një fenomeni të tillë të shëmtuar dhe denigrues.
Njëkohësisht dëshirojmë të sqarojmë opinionin publik që shtetasi B.Q. nuk mban asnjë funksion të asnjë niveli në strukturat e Partisë Socialiste Shkodër.
Partia Socialiste Shkodër, distancohet jo vetëm nga ky gjest i shëmtuar, por njëkohësisht edhe nga çdo aludim që qytetarja ngre rreth ndërhyrjes së strukturave apo funksionarëve partiakë në punën e institucioneve shtetërore.
Denoncimi i 20 vjeçares: Ish polici i PS-së, më ngacmon seksualisht dhe më dërgon foto nudo
(M.Q/Faxweb)
