Ish-prefekti i Korçës, Ardit Konomi është kandidat për deputet në këtë qark duke përfaqësuar Partinë Socialiste. Si muaj fushate edhe Konomi ka nisur takimet me banorët në fshatrat e Korçës.
Sot është ndalur në fshatin Hoçisht ku ka takuar edhe disa banorë të zonës së Devollit. Këtë aktivitet e ka pasqyruar edhe në rrjetet sociale ku përveç fotove të postuara nuk ka munguar edhe një mbishkrim për to.
Ajo që vihet re është se kandidati për deputet ka bërë një sërë gabimesh gramatikore në këtë mbishkrim. Madje i ka shkruar edhe me shkronjën “e” fjalët, në vend të shkronjës “ë”.
Por një detaj tjetër që nuk duhet humbur është se nuk dihet se çfarë ka dashur të thotë kandidati në fund të shkrimit të tij kur ka shkruar: “PSn25”. Ndoshta ka dashur të thotë votoni PS në 25 qershor ose ka ngatërruar numrin e kësaj partie në fletën e votimit. (J.V/Shuplaka)
