Ish-presidenti i Kroacisë Stephan Mesiç gjatë fjalës së tij në Samitin Ndërkombëtar të Paqes që po zhvillohet në Tiranë, ka deklaruar se edhe sot vijon të shkelet politikisht Karta e Kombeve të Bashkuara.
Mesiç theksoi se duhet vullnet politik për të ndryshuar mendësinë që është krijuar, ndërsa shtoi se çdo komb duhet të përcaktojë veten e tij dhe sistemin e tij politik.
“Vlerësoj mundësinë që të jem pjesë e këtij tubimi. Kemi goxha rol për të luajtur në vendet tona dhe në skenën ndërkombëtare. Lufta e fundit që është zhvilluar në Evropë, por kur Republika e Jugosllavisë ra dhe me mijëra vetë humbën jetën pas asaj lufte, u krijua paqja por çfarë lloj paqje?!
Paqe si pushim mes dy luftërave. Gjatë konferencës së Helsinkit u shenjua nga turbullirat e dy luftërave botërore. Rrënja e tërë kësaj duhet kërkuar në keqperceptimet e bëra. Konstruksioni i brishtë i paqes në Europë ishte ndërtuar në bazë të frikës që vinte nga kërcënimi. Këtu është keqinterpretimi të cilit po i referohem.
Shikojmë SHBA me Kinën, marrëdheniet mes fituesit dhe humbësit. Parimi i mosndërhyrjes në punët e brendshme të të tjerëve, menduam që SHBA ishte larguar nga ky lloj konkurimi. Në vend të kësaj kemi parë shkeljen e parimeve të kartës së Kombeve të Bashkuara. Guxoj të them që këto shkelje janë bërë në mënyrë të vazhdueshme. Me vullnet politik duhet ndryshuar mendësia e personave. Duhet të pranojmë që çdo komb duhet të përcaktoj veten e tij dhe sistemin e tij politik, kjo është e drejtë e tyre”, tha ndër të tjera Mesiç.
https://www.facebook.com/faxweb.al/videos/946050609091564/
(F.GJ/FAXWEB.AL)
