Gjatë Konferencës së Lidershipit Ballkanik, ish-presidenti Alfred Moisu i ka deleguar një pjesë të fajit edhe Bashkimit Evropian për zgjidhje momentale dhe jo rrënjësore të problemeve në Ballkan.
Gjithashtu ai është shprehur se përpos kësaj nuk ka vullnet as nga vetë instancat përkatëse për zgjidhjen e krizave aktuale në vend.
“Nuk ka vullnet për zgjidhje të krizave në Shqipëri. Me keqardhje e them se deri tani nga ana e BE-së ka pasur zgjidhje oportune dhe jo zgjidhje rrënjesore. Duhet të zgjidhen një herë e mirë të shkaqeve që kanë shkaktuar këto konflikte” – tha Moisiu.
Moisiu ka folur dhe për krizën aktuale Kosovë-Serbi duke u treguar i prerë. Sipas tij askush nuk duhet të fshihet apo të bëjë akuza të pavërteta në një kohë kur shumë qartë mund të dallohet viktima nga agresori.
“Të mos fshihemi si struci dhe të mos ngaterohet agresori me viktimën, siç eshte rasti i Kosovës me Serbinë. Situata mes tyre është shumë e qartë.”
Në Konferencën e Lidershipit Ballkanik merrë pjesë Forumi i Parlamenteve për Paqe. Kjo konferencë mbahet për të adresuar problemet e vendeve në Ballkan.
Discussion about this post