Ish presidenti Bamir Topi i ftuar në “Natë me Xhaxhiun” në Fax News foli për mosdekretimin nga presidenti Ilir Meta të Sandër Lleshit si ministër i Brendshëm.
Ish presidenti Topi u shpreh se duhet të ishte bërë më tëpër transparencë nga të dyja palët, pasi gjuha ndërmjet kryeministrit dhe presidentit është një gjuhë e drunjtë dhe nuk ka transparencë.
“Nuk është e thënë që nuk ka pasur precedent dhe në mënyrë apsolute mund të ketë. Secili jep arsyet e veta. Nuk e kemi patur dhe mendoj se do të konsumohet ky lloj debati. Në fund fare kujtohen se ky dekret mund edhe të mos firmoset.
Tani për hir të atyre viteve që kam punuar aty, detyrohem që të intepretoj jo vendimarrjen e tij, por Kushtetutën. Kushtetuta ka nene të përcaktuara. Flitet për frymën dhe për gërmën. Ka gjëra që intepretohen, por dhe që rrinë të kuptueshme.
Ka një rregull që është kushtetues dhe, nëse kandidati plotëson detyrimet kushtetuese që do të thotë, të shkojë në standardin e zgjedhjes së deputetit do e lija në diskrecionin e propozuesit dhe do kisha dhënë dekretin.Nuk do e jepja vetëm nëse ka ndonjë gjë që ende nuk e di.
Gjuha e presidentit dhe kryeministrit është një gjuhë e drunjtë. Që e dinë vetëm ato. Kemi një mister shumë të madh dhe nxjerr në pah atë defekt që kanë institucionet tona që nuk kanë transparence.”- u shpreh Topi.
(M.Q/Faxweb)
Discussion about this post