Altin Rraklli, ish sulmuesi i Kombëtares shqiptare dhe ish trajneri i Kombëtares së femrave ndodhet zyrtarisht nën akuzën për mashtrim. Ai akuzohet nga prokuroria e Tiranës për mashtrim ndaj një shoku të tij për një shumë prej 150 mijë eurosh.
Altin Rraklli nuk ka qenë i pranishëm në seancë. Prokurori pas vendimit të shtyrjes së seancës për datën 7 prill, ka bërë të ditur se do të marrin edhe informacion nga sistemi TIMS, për të parë lëvizjet e Rrakllit dhe për ta njoftuar sërish nëse do të kërkojë të jetë vetë i pranishëm në seancën tjetër apo do të përfaqësohet sërish nga avokatët të cilët ka autorizuar, njofton Top Chanel.
Kjo nuk është hera e parë që Rraklli bëhet pjesë e skandaleve, pak kohë më parë kur ishte trajner i Kombëtares së femrave ai u akuzua nga një futbolliste për ngacmim seksual. (B.H/Shuplaka)
Discussion about this post