Presidenti i Unionit të të Burgosurve e të Përndjekurve Politikë, Besim Ndregjoni ka qenë i ftuar sot në ‘’Fax News” ku ka diskutuar në lidhje me deklaratat e përfaqësuesve të qeverisë.
Duke iu referuar deklaratave të ministrit Arben Ahmetaj, ai thotë se e gjitha kjo është një hipokrizi. Po ashtu Ndregjoni thotë se në Ministrinë e Drejtësisë është shkrirë sektori që merret me ish-të burgosurit politikë.
Një pjesë e tyre, pak ditë më parë protestuan duke i zënë derën ministres së drejtësisë, teksa ajo doli nga hyrja tjetër.
‘’Dëmshpërblimi nuk është lëmoshë e qeverisë. Deklaratat e Ahmetajt janë një hipokrizi. Shoqëria po përballet me hipokrizi.
Ministria e ngriu dhe e shkriu sektorin që merret ne dëmshpërblimet që merret me çështjet e ish-të burgosurve politikë. Sot punonjësit janë ndarë në dikastere të tjera.
Problemi i dëmshpërblimit duhet te mos trajtohet politikisht, por ai është një ligj detyrues kushtetues për ata qytetarë që përballuan vuajtjen, plumbin, torturat nga një regjim diktatorial.
Problem i dytë është, se rreth 1000 të përndjekur i kanë dorëzuar dokumentet pas afatit dhe duhet të kalojnë kohë t’u dëmshpërblyer. Qeveria shqiptare ka thënëqë do të japë çdo këst. Qeveria e PS-së ka dhënë tre këste për 2 mijë të burgosur politikë që janë gjallë.
Dëmshpërblimi, nuk jepet për ata që kanë humbur nënën, babën apo motrën. Të shohësh se çfarë kanë hequr trashgimtarët është e ngjashme me atë që kanë hequr vetë të burgosurit politikë.
Nuk merrnin të drejtën për arsim, edhe në shkollë ishin të paragjykuar. Këta njerëz kishin kaluar një traumë shumë të madhe. Të përndjekurit politikë nuk duan asgjë nga shteti i tyre, përveç asaj që e parashikon kushtetuta.
Të burgosurit politikë kanë kryer punët më të vështira, si tharja e kënetave, apo nxjerrja e kromit në miniera”, u shpreh Ndregjoni.
(E.K/FAXWEB)
Discussion about this post