Ish-të përndjekurit gati të vetëdigjen, protestojnë për njohjen e viteve të burgut

Prej katër ditësh tre ish të përndjekurit  kanë ngritur një çadër dhe janë futur në grevë urie. Ata janë të gatshëm të kryejnë aktin e vetëdjegies njësoj si Lirak Bejko, pak vite më parë, nëse kërkesat, sipas tyre të drejta, nuk merren parasysh.

Bëhet me dije se ka pasur tensione në grevën e urisë mes të përndjekurve dhe policisë.

Fax News informon se ish të përndjekurit janë fuitur në grevë urie sepse kërkojnë të plotësohet kërkesa e tyre që të futen në listat e dëmshpërblimit.

Mësohet se tre ish-të përndjekur kanë tentuar të djegin veten me benzinë, ndërkohë që policia u ka kërkuar të dalin nga çadra në të cilën janë futur në grevë urie.

“Sapo u futëm në çadër na erdhën disa persona që na kërcënuan, ose hiqni çadrën ose do t’ju djegim si minj. Sapo dolëm, ata ikën me vrap e nuk i pamë.

I bëjmë thirrje qeverisë që të vijë e të bisedojmë e të dëgjojë kërkesat tona sepse nuk ka realizuar as 20% të kërkesave tona.” – thanë ata për Fax News.

Gazetarja Mirilda Tili ka sqaruar për Fax News që kërkesa e protestuesve dhe grevistëve është që t’u njihen vitet e burgut dhe të dëmshpërblehen për to.

(E.L/Faxweb)