Deputetja e PD-së Jorida Tabaku është shprehur se qeveria Rama nuk ka vullnet për të shpërblyer të përndjekurit politikë dhe pasardhësit e tyre. Sipas saj vendimi i Ahmetajt është poshtërim për të përndjekurit dhe se me këtë vendmin 13 mijë familje nuk përfitojnë asnjë lekë.
“Në këto 4 vite ulën fondin e kompesimit me 3.2 miliardë lekë për të përndjekurit. Larguan nga puna të trashëgimtarët e të dënuarve politikë pasi iu referuan të shkuarës së tyre, Të mos dëmshpërblesh të përndjekurit politikë të cilët janë dëbuar nga pronat e tyre, nuk iu është dhënë e drejta e studimit lind pyetja ku ndryshon Rama nga Enver Hoxha? Vendimi i Ahmetajt është poshtërim për të përndjekurit.
Pas vitit 2013 qeveria ka shpërblyer 40 mijë më pak. Sot ajo ka përjashtuar 13 mijë familje . Qeveria nuk e bën këtë se nuk ka para po nuk ka vullnet ta bëjë. Qeveria po paguan 2.5 milion euro për palmat në autostradë, pra para ka. “, u shpreh Jorida Tabaku. (J.V/Faxweb)
Discussion about this post