Ish-zëdhënësi i PS në Greqi: Emigrantët shqiptarë sfiduan Ramën, të gjithë me Kokëdhimën (VIDEO)

Ish-zëdhënësi i degës së Partisë Socialiste në Greqi, Shpëtim Zinxhiria, flet me superlativa për takimin e ish deputetit Koço Kokëdhima me emigrantët shqiptarë në Athinë.

Sipas tij, pavarësisht presioneve me telefonata të kryera nga Gramoz Ruçi, Stefan Çipa dhe Luiza Xhuvani, takimi shkoi shumë mirë.

Ai flet për mesazhet që u përcollën në takim dhe pse duhet reformuar e majta shqiptare.

Ja çfarë shkruan Shpëtim Zinxhiria:

Qindra emigrantë janë “rebeluar” me gjithë përpjekjet e gjithanshme, kërcënimeve të prera me anë të telefonave, për të sabotuar aktivitetin e Koço Kokëdhimës, ky i fundit ia doli për së mbari. Salla ishte e tejmbushur, edhe me gjithë telefonat e bëra nga Gramoz Ruçi, Stefan Çipa apo deputetja Luzia Xhuvani për të injoruar Kokëdhimën, të cilët u theksuan nga vetë pjesëmarresit…

Sado që praktikisht u tentuan për të krijuar incidente në dy raste u dëbuan nga vetë emigrantët. Nëse kjo nuk përbën një turp, atëherë si mund të quhet?
Është një padrejtësi që i bëhet emigrantëve socialistë, një veprim që i shkon përshtat vetëm të forteve që ndrydhin ndërgjegjen e emigrantëve, është një neveri kur e mendon se si ka mundësi që kjo strukturë të mos jetë për të gjithë, por të ndahet në reformist dhe konservatore, aq më keq kur përballë kanë një sekretar të partisë për reformën strukturore. Është një turp për ata që të tjera thonë e të tjera bëjnë. Më vjen keq kur e mendon e jo më të veprosh. Por në fund të fundit në Shqipëri jemi…

Një ditë më parë Koço Kokëdhima vizitoi qendrën Kulturore të emigrantëve në Athinë, ngritur nga vetë Federata e Shoqatave Shqiptare. Ai pati një bisede edhe me kryetarin e kësaj federate Edmond Gurin, si dhe me emigrantët dhe mësuesit e shkollës shqipe.

Si socialist, ish në kryesinë e kësaj strukture për shumë vite në Greqi në rolin e zëdhënësit të PS për Degën Greqi, së bashku me të tjerë kontribuam te kjo strukturë për vite të tëra, me bindje të plotë për një kauzë të vetme, por që deri më sot jemi zhgënjyer. Por ishte platforma e djeshme, plaforma“KOKËDHMA”që përkonte me ditën Ndërkombëtare të Emigrantëve, një ditë e shenjtë për ne.
Është kjo kauzë që më bashkoi mua dhe qindra të tjerë, që më rebeloi për t’iu bashkuar “Lëvizjes” së Koço Kokëdhimës, njeriun e fortë që nuk e ndal më asgjë për të reformuar këtë strukturë, për ta shkëputur nga e vjetra dhe për ta çuar atje ku duhet. Për këtë ftoj shokët e mi socialistë të shikojnë pak më larg se sot… (A.R/SHUPLAKA)