Vijojnë akuzat ndërmjet Tahirit dhe Lsi.
Këtë herë ka qenë izëvendës ministri Ilir Marko i cili ka replikuar ashpër me Saimir Tahirin në lidhje me kohën kur punonin në ministrinë e brendshme.
Tahiri akuzonte LSI se e kanë përgjuar në zyrë gjatë kohës që ishte në detyrë, konkretisht zv/ministri i tij, Ilir Marko, që sipas tij i kishte vendosur një përgjues ambientet e Ministrisë. Nën vazhdën e këtyre akuzave, duket se përveç përgjimit të Ministrit, është zbuluar edhe arsyet e shkarkimit të Tahirit nga detyra.
Zëvendësi i Tahirit, Ilir Marko ka treguar atë që ka ndodhur me ish-ministrin gjatë kohës që drejtonte Ministrinë e Brendshme. Në një mesazh privat, Ilir Marko i kujton Saimir Tahirit se nuk ishte nevoja ta përgjonte ai (siç aludon Tahiri), pasi këtë gjë e kanë bërë shërbimet ndërkombëtare.
Në mesazhin e tij që është publikuar sot në rrjetet sociale, Marko shkruan se edhe motivi i shkarkimi i Saimir Tahirit ka ardhur si partnerët ndërkombëtarë.
Ai thotë se nëse Saimir Tahri do sqarime për motivet e shkarkimit lë të pyesë, Edi Rama për letrën ultimatum që i ka mbërritur në zyrë nga ndërkombëtarë. Më herët, Tahiri reagoi ashpër pas akuzave që kandidatja për deputete e LSI-së, Eriona Bixha i bëri me pretendimin se kreu i PS-së në Tiranë po blinte vota në Vorë.
MESAZHI:
“Nuk ishte e nevojshme të të përgjoja unë ore i mjerë sepse atë e punë e bënin shërbime të specializuara, që pasi u bindën për bëmat e tua, rekomanduan shkarkimin tënd. Sepse nëse nuk do të ishe shkarkuar, raportetet e ndërkombëtarëve do të nxiheshin nga emri jot! Nuk do ta jap kënaqësinë e tërheqjes së vëmendjes drejt teje, duke replikuar me ty sepse një i mbaruar si puna jote këtë do. Por po do shpjegim për shkarkimin tënd, pyet shefin tënd për letrën me ultimatum që ka ardhur për ty nga partnerët ndërkombëtarë. Kështu që mos më provoko mua sepse edhe 1% shans që të ka ngelur për të vazhduar në politikë, bën mirë most a rrezikosh. Ilir Marko”, citohet në mesazhin e Ilir Markos.(B.H/Shuplaka)
