Ish-Drejtori i Mbikëqyrjes së Lojërave të Fatit, Viron Bezhani, i ftuar në “Opinion” ku flitet për vesin e bixhozit, ka bërë me dije se në Shqipëri, para 3 viteve, kanë qenë rreth 300 salla të rregullta kazinoje, ku një sallë e rregullt minimalisht ka dhjetë makina.
Bezhani tha se krahas 300 sallave të kazinove në vend ka dhe 3000 mijë salla bastesh.
Sipas tij, e veçanta është se nëse kanë 300 salla të rregullta, ka qenë dyfishi të parregullta.
“Nëse shteti merrte 5.5 miliard në muaj, llogarisni ju se sa është në të zezë. Unë kam llogaritur 5.5 milion taksa, por ke edhe 4 milion taksën e sallës, ke sigurimet dhe shumë taksa të tjera. Imagjinoni nëse këto do të ishin në të bardhë”, u shpreh Bezhani.
Sipas tij, problemi i bixhozit në Shqipëri është një nga problemet më të mëdha të shoqërisë shqiptare gjatë këtyre viteve pasi për këtë arsye janë shkatërruar mijëra familje. (A.R/SHUPLAKA)
