Ish-sekretari i përgjithshëm i Ministrisë e Bujqësisë, Vojo Bregu, përmes një postimi në rrjetin social “Facebook”, ka ironizua deklaratat e kryeministrit Rama duke thënë se “është zbuluar një rast flagrant i abuzimit mbi dhënien e tokave bujqësore me qera, gjatë kohës që kjo ministri drejtohej nga Emond Panarit”.
Duke ngritur edhe pikëpyetje lidhur me deklaratat e kryeministrit, Bregu shprehet se nëse Rama i kërkoi agropërpunuesit të rrisë kapacitetin, ai duhet ta ndihmojë, duke i dhënë sipërfaqe toke bujqësore me qera.
Sipas tij, po bëhen gati 2 vjet dhe qeveria nuk ka dhënë asnje metër tokë me qera.
Postimi i plotë
U zbulua dhe një tjetër rast flagrant i abuzimit, mbi dhënien e tokave bujqësore me qera, gjatë kohës që kjo ministri drejtohej nga z. Panariti??.
A do të mund të zhvillohej ky biznes dhe të funksiononte fabrika që KM vizitoi, nqs nuk do të merrte nga shteti 45 HA me qera??
E pamundur!
Nqs KM, i kërkoi agropërpunuesit të rrisë kapacitetin, ai duhet ta ndihmojë, duke i dhënë sipërfaqe toke bujqësore me qera. Ky agropërpunues ka treg për mbi 200 HA tokë bujqësore për të prodhuar. Studimi ka qenë i gatshëm në zyrat e ministrisë. Por po bëhen gati 2 vjet dhe qeveria nuk ka dhënë asnje metër tokë me qera.
Gjithësesi, jemi në pritje të zbulimit të abuzimit të rradhës.
