Kreu i opozitës Lulzim Basha ka dalë nga qendra ku ndodhet zyra e ish-kryeministrit Berisha në takimin e dytë të zhvilluar mes tyre ditën e sotme. Ai nuk ka dashur të komentojë, po nuk i ka shpëtuar një batute për gazetarët.
‘’Isha për të ngrënë një pjatë makarona me sallatë’’, shprehet Basha duke lënë të kuptohet që deri në marrjen e vendimit final nuk do të ketë asnjë koment nga palët. Nga ajo që duket derimë tani, palët po shkojnë drejt një zgjidhje të mundshme.
Nga burime të ‘’Shuplakës’’ mësohet se Basha ka pranuar marrëveshjen e paketës ‘’McAllister’’ dhe tashmë gjithçka duket të jetë lënë pezull nga kryeministri Rama.
Kujtojmë se paketa ‘’McAllister’’ parashikon që opozita të marrë drejtimin e 4 ministrive, po ashtu të ketë dhe një monitorim më nga afër të procesit zgjedhor.
Po ashtu në paketën fillestare ‘’McAllister’’ parashikohej dhe shtyrja e zgjedhjeve derimë 16 korrik. Në atë kohë Rama ishte shprehur se do të pranonte këtë paketë me kushtin e vetëm që PD-ja të shkonte në Parlament dhe të votonte Vettingun. (E.K/SHUPLAKA)
