ISHP bën të ditura shifrat e frikshme nga aksidentet në punë, njëra nga firmat e pa inspektuar

Kryetari i Inspektoriatit Shtetëror të Punës Arben Seferaj gjatë një deklarate për mediat, foli për tragjedinë e ndodhur disa ditë më parë në qendër të kryeqytetit ku dy punëtorë humbën jetën dhe tre të tjerë u plagosën, pasi ranë nga skela, teksa po punonin për rikonstruktimin e një fasade.(Lexo ngjarjen e plotë)

Sefraj publikoi fakte tronditëse të shifrave të punëtorëve që kanë humbur jetën në punë për gjatë 6 muajve të fundit.

“Inspektorati i punës ka vlerësuar sektorin e ndërtimit si sektor me risk shumë të lartë për humbje jetë. Kontrollet duhet të intensifikohen për të parandaluar ngjarje të tilla. Jemi në proces hetimi ndaj 2 kompanive. Nga viti 2015 subjekti “Xhimi”nuk ka asnjë inspektim. Ndërsa “Syla” është inspektuar 16 herë, i janë lënë vazhdimit detyra për të realizuar që lidhen me sigurinë dhe 1 herë i është vënë gjobë. Punëtorët që humbën jetën ishin të siguruar. 6 muajt e fundit kanë ndodhur 99 aksidente në punë dhe 25 punëtorë kanë humbur jetën.”-është shprehur Seferaj.