Në një kërkesë të re gjyqësore, aktori Johnny Depp pretendon se Amber Heard e sulmoi atë gjatë kohës që ishin martuar.
55-vjeçari i “Pirateve të Karaibeve”, në kërkesën e re gjygjësore pretendon se ka qenë aktorja 32-vjeçare ajo e cila e ka sulmuar atë në prill të vitit 2016, pas festës së ditëlindjes së saj të 30-të.
Sipas dokumenteve të gjykatës, Depp pretendon se Heard kishte pirë atë mbrëmje dhe filloi duke e ofenduar atë pasi mysafirët e saj u larguan. Gjithashtu, ai pretendon se e “mbrojti veten duke e rrahur atë në mënyrë që ajo të ndalej “.
Ndërkohë, në përgjigje të akuzave, avokati i Heard deklaroi se ato janë krejtësisht të rreme.
Gjithashtu, në versionin e Depp për akuzën e hedhjes së telefonit në fytyrën e bashkëshortes më 21 maj të 2016-ës, thuhet:
“Ai e hodhi telefonin në divan dhe ishte larg nga znj.Heard. Kështu nuk e goditi atë në fytyrë apo gjetkë!”
Depp dhe Heard u takuan gjatë xhirimeve të filmit “Ditarit Rum” në vitin 2011 dhe u martuan më 3 shkurt 2015. Më 23 maj 2016, Heard paraqiti kërkesën për divorc.
Beteja e ish-çiftit duket se nuk mund të mbyllet shpejt, pas akuzave e kundërakuzave të reja.
Ndërkohë, Depp vazhdon të mbrojë veten dhe aktualisht po padit gazetën britanike “The Sun” si dhe autorin e artikullit Dan Wooton, pasi e kanë cilësuar si një dhunues .
Majde, midis shumë lajmeve dhe padive të tjera të kohëve të fundit, shumë vënë në diskutim gjendjen mendore të aktorit. /Blitz/
Discussion about this post