Forcat e Armatyosura kanë kryer një operacion të vështirë në një nga fshatrat e Kukësit, konkretisht në Tejdrinë, Ujmisht ku pas tre orësh ecje në këmbë kanë arritur që të shpëtojnë një 38-vjeçare e cila ishte bllokuar në shtëpinë e saj.
Trëndafile Miçi, nënë e dy fëmijëve, paraqitej me temperaturë të lartë trupore, 40 gradë dhe e kishte të pamundur të transportohej për në spital për shkak të bllokimit të rrugës nga bora
Njoftimin e ka dhënë vetë ministrja e Mbrojtjes Olta Xhaçka përmes një postimi në ‘Facebook’.
Postimi:
HEROIKË!
Pas 3 orë ecjeje në këmbë, Forcat e Armatosura të Shqipërisë kanë arritur të transportojnë për në spitalin rajonal të Kukësit një 38-vjeçare, e cila ishte e bllokuar në shtëpinë e saj në fshatin #Tejdrinë të njësisë administrative #Ujmisht në bashkinë e #Kukësit, në gjendje të rëndë shëndetësore.
Trëndafile Miçi, nënë e dy fëmijëve, paraqitej me temperaturë të lartë trupore, 40 gradë dhe e kishte të pamundur të transportohej për në spital për shkak të bllokimit të rrugës nga bora.
Menjëherë pas marrjes së njoftimit, efektivët e Brigadës së Mbështetjes Rajonale të Kukësit dhe një mjet i rëndë, u nisën drejt fshatit Tejdrinë. Për shkak të trashësisë së borës, ushtarakëve iu desh të ecnin edhe për rreth 1 orë e gjysmë në këmbë deri në shtëpinë e të sëmurës. Pas marrjes së 38-vjeçares, efektivët e transportuan me barelë deri te mjeti i rëndë, për ta dërguar më pas në spitalin e Kukësit, nën kujdesin e mjekëve.
(B.H/Faxweb)
Discussion about this post