Ishte dënuar me 7 vite burg në Itali, pse Gjykata e liroi gruan e ”Mirit të Xhikes”

Gjykata e Tiranës vendosi dje lirimin e Manjola Priftit, ish-bashkëshortes së Mirit të Xhikes.

Prifti u arrestua nga ana e Policisë dy ditë më parë pasi ishte shpallur në kërkim ndërkombëtar nga ana e Italisë. Gjykata ka dhënë masën  e ‘’detyrim paraqitjeje” për Priftin.

Ka qenë Prokuroria e Tiranës ajo që ka kërkuar që ndaj Priftit të caktohet një masë e lehte sigurimi, pasi ajo nuk përbën rrezik për shoqërinë. Çështja është gjykuar nga gjyqtari Arben Micko, që pranoi kërkesën e Prokurorisë.

Ajo akuzohej për ‘pjesëmarrje në organizata kriminale, me qëllim trafikimin e lëndëve narkotike’.

Në njoftimin e Policisë thuhej dje se Autoritetet Gjyqësore Italiane, e kanë dënuar shtetasen Manjola Prifti me 7 vjet, 3 muaj dhe 15 ditë burg, për veprën penale “Pjesëmarrje në organizatë kriminale, me qëllim trafikimin e lëndëve narkotike” bazuar në nenin 110 të Kodit Penal Italian dhe Neni 73 e 74 të Dekretit të Presidentit Italian nr. 309/90.

(E.K/FAXWEB.AL)