Ishte dënuar me arrest shtëpie, kapet duke luajtur loto në qytet (EMRI)

Një 32-vjeçar nga qyteti i Elbasanit është arrestuar në flagrancë gjatë kësaj fillimjave.

Burime zyrtare bënë me dije mbrëmjen e të hënës se shtetasi Thanas Beko, banues në lagjen ” Shënkoll” në qytetin e Elbasanit është arrestuar në një pikë bastesh sportive . Arrestimi i tij është kryer pasi ai kishte konsumuar veprën penale “Largim i të burgosurit nga vendi i qendrimit” parashikuar nga neni 323 i k Penal.

Shtetasi Thanas Beko me vendim nr 820 dt 08.11.2018 të Gjykatës së rrethit të Elbasan, ka qenë me masë sigurimi “Arrest Shtepie”. Ai u arrestua në kuadër të verifikimit të masave të sigurisë të dhëna nga Gjykata e Rrethit Gjyqësor e Elbasanit.

Pas informacioneve të marra ne rrugë operative nga ana e policisë së Elbasanit 32 vjeçari është kapur ne flagrancë në një Pikë Bastesh në lagjen “Kongresi Elbasanit “. Burime zyrtare nga Prokuroria e Elbasanit konfirmuan se materialet kanë kaluar te organi i akuzës për vepren penale “Largim i të burgosurit nga vendi i qęndrimit”.

Beko u arrestua disa ditë më parë për vjedhje në bashkëpunim, plagosje me dashje dhe mosbindje ndaj urdhërit të punonjēsit të policisē.