Policia e Tiranës ka arrestuar 54 vjeçarin Arben Veizaj, i cili ishte shpallur në kërkim për trafikimin e të miturve. Veizaj ishte dënuar më herët me 15 vite burg nga Gjykata e Krimeve të Rënda.
Policia sqaron se: Kapet dhe ndalohet një shtetas i dënuar me 15 vite burg për veprën penale “Trafikimi i të miturve” e kryer në bashkëpunim dhe “Falsifikimi i pasaportave” e kryer në bashkëpunim.
Nga Sektori i Forcës së Posaçme Operacionale, në D.V. P. Tiranë, u kap dhe u ndalua shtetasi i shpallur në kërkim:
– A. V., 54 vjeç, lindur në Vlorë dhe banues në Tiranë.
Gjykata për Krimet e Rënda Tiranë, e ka dënuar me 15 vite burg për veprën penale “Trafikimi i të miturve” e kryer në bashkëpunim dhe “Falsifikimi i pasaportave” e kryer në bashkëpunim, parashikuar nga nenet 128/b/3, 189 dhe 55 të Kodit Penal. Ky shtetas iu dorëzua shërbimeve të D.V.P. Vlorë për veprime të mëtejshme proceduriale.
(E.K/FAXWEB.AL)
Discussion about this post