Ishte duke punuar në një banesë, punëtori bie nga lartësia, niset me urgjencë drejt Traumës

Një ngjarje e rëndë ka ndodhur paraditen e sotme në Kamëz, ku një 40 vjeçar ka mbetur i plagosur rëndë pasi ka rënë nga një lartësi.

R.D ishte duke punuar në banesën e shtetasit R.M në momentin kur ka rënë nga lartësia, dhe është dërguar me urgjencë drejt spitalit, ku ndodhet nën kujdesin e mjekëve.

Njoftimi i policisë për ngjarjen:

Sot, me datë 16.02.2020, rreth orës 11:30, në rrugën ” O.S.B.E , në Kamëz” , shtetasi R.D, 40 vjeç, duke punuar në banesën e shtetasit R.M , aksidentalisht ka rënë nga lartësia dhe është transportuar menjëherë në spital ku ndodhet në kujdesin e mjekëve.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.