Një 58-vjeçar ka rënë në pranga gjatë një operacioni të Policisë së Skraparit. Sipas njoftimit të policisë, i riu ka qenë i dënuar me 3 muaj burg për veprën penale “Mosdhënie e mjeteve për jetesë”.
“Skrapar më datë 09.01.2020, nga ana e Strukturave të Drejtorisë Vendore të Policisë Berat, në bashkëpunim me Strukturat e Komisariatit të Policisë Skrapar, u bë kapja dhe ndalimi i shtetasit me iniciale E.A, 58 vjeç, banues në Drithas Korçë, person i shpallur në kërkim policor nga D.V.P.Korçë.
Kapja dhe ndalimi i shtetasit të mësipërm u bë për arsye se është dënuar nga Gjykata e Rrethit Gjyqësor Korçë, me (3) tre muaj burg për veprën penale “Mosdhënie e mjeteve për jetesë “ parashikuara nga neni 125. të Kodit Penal”, njoftoi policia.
Ndërsa në Berat është arrestuar një 25-vjeçar, i akuzuar për mashtrim. “Berat më datë 09.01.2020, nga ana e Strukturave të Drejtorisë Vendore të Policisë Bera, në bashkëpunim me Strukturat e Komisariatit të Policisë Berat, u bë kapja dhe ndalimi i shtetasit me iniciale XH.M, 25 vjeç, banues në Berat, person i shpallur në kërkim policor nga D.V.P. Durrës.
Kapja dhe ndalimi i shtetasit të mësipërm u bë për arsye se ka konsumuar elementet e veprës penale “Mashtrim” parashikuara nga neni 143/1 të Kodit Penal”, thuhet në njoftim.
