Ishte larguar një ditë më parë nga banesa, gjendet i mbytur 65-vjeçari

Një 65-vjeçar është gjetur i mbytur në rezervuarin e fshatit Bletas (Bratomirë) në Korçë.

Sipas Policisë familjarët e kishin deklaruar atë të zhdukur një ditë më parë, ndërsa ishte larguar nga banesa.

Paraprakisht në trupin e personit nuk janë gjetur shenja dhune.

DETAJET E POLICISË:

Më datë 14.01.2018, jemi njoftuar se në rezervuarin e fshatit Bletas (Bratomirë) është gjetur i mbytur shtetasi G.M, rreth 65 vjeç, banues në Podgorie-Maliq.

Nga të dhënat e para dhe kqyrja e trupit të viktimës nuk janë konstatuar shenja dhune.

Nga deklarimet e marra familjarëve, rezulton se shtetasi i mësipërm vuante nga depresioni dhe më datë 13.01.2018, ishte larguar nga banesa në mbrëmje, pa lënë informacion mbi vendndodhjen e tij.

Grupi hetimor po punon për të përcaktuar shkaqet e vdekjes dhe për të zbardhur rrethanat e ngjarjes.