Ishte ndarë nga gruaja, i hyn në banesë dhe vret11 persona, midis tyre edhe djalin 8-vjeçar

Nata e ndërrimit të viteve nuk ka qenë  më  e mirë  se në  Turqi as për Brazilin. Kjo sepse një person i armatosur ka hyrë në një banesë  dhe ka qëlluar me armë  zjarri, duke lënë  të  paktën 11 viktima.

 Ngjarja e rëndë  ka ndodhur në  Campinas të  Brazilit, ku autori i krimit kreu më  pas vetëvrasje.

Reuters shkruan se dyshimet e para të  policisë , kanë  të  bëjnë  me arsye personale dhe nuk bëhet fjalë  për një  sulm terrorist.

Dyshohet se autori i krimit ka qenë  i mërzitur nga ndarja me të  shoqen dhe e ka kryer masakrën në  një  gjendje të  rënduar depresive.

Mësohet se jo vetëm gruaja bën pjesë  në  mesin e viktimave, por edhe djali 8-vjeçar i çiftit. (D.D/Shuplaka)