‘’Ishte ndër fare të paktët që ma vinte trurin në lëvizje kur më sulmonte’’, kjo ishte një nga shprehjet më të gjetura të kryeministrit Rama.
Ashtu siç e theksuam dhe dje jo pak herë kryeministri Rama reagoi në lidhje me listat e kandidatëve për deputetë në Partinë Demokratike.
Sigurisht në ka një emër që do t’i mungojë Kuvendit të Shqipërisë në katër vitet e ardhshme ai do të jetë Astrit Patozi. Jo pak herë ai ka replikaur nga foltorja e Kuvendit me kryeministrin Rama.
Hera e fundit që pati një shkëmbim batutash mes të dyve ishte seanca e jashtëzakonshme, ku Rama për Patozin me veshjen e tij kishte shkelur Kodin e Etikës në Kuvend. Po nga ana tjetër debate mes të dyve ka pasur edhe për çështje të tjera.
DEKLARIMET E PATOZIT:
Kjo qeveri ka rënë, sepse nuk mund të jetë edhe qeveria edhe mafia, edhe qeveria edhe korrupsioni. Kjo qeveri ka rënë sepse e ktheu Shqipërinë në një vend qesharak.
Pak kohë më parë kreu i komisionit të sigurisë paralajmëroi destabilizim të vendit. Nëse kjo do të ishte e vërtetë, në djall të shkonte stabiliteti, nëse vendi ishte në dorë të Tom Doshit dhe Dritan Priftit.
Ne nuk mund ta lëmë vendin në duart e sekserëve të Edi Ramës dhe Ilir Metës. Kjo është një qeveri e vdekur dhe dihet që kufomat i varros në themel.
REAGIMI I RAMËS:
Është një interpretim krejt ireal i PD për situatën. Po ju citoj raportin e “Standard & Poor’s” që ka konfirmuar pozicionin e Shqipërisë. Agjencia ka paralajmëruar se nëse ecim kështu do të rrisë rejtingun e Shqipërisë në muajt e ardhshëm. Gjithashtu, agjencia thotë se, reformat e qeverisë kanë sjellë rezultate të qenësishme, ku përpjekjet në energjitikë vlerësohen si të suksesshme.
Referuar Shqipërisë, Banka Botërore thotë: Ekonomia shqiptare vazhdoi të rritet në 2015, e mbështetur nga investimet private dhe eksportet neto. Raporti thotë se, investimet private do të vazhdojnë të jenë kontribues kryesor në prodhimin e brendshëm kombëtar. Raporti thotë se defiçiti tregtar u shkurtua falë rritjes së eksporteve dhe rënies së importeve.
Jeni një parti pa lidership, pa program dhe ju ka mbetur ora aty kur shqiptarët ju hodhën nga karrikja./ Kujt i kërkoni llogari ju, që nga 2007 në gusht 2013 e zhytët kompaninë në 1 miliard borxhe? Kujt i kërkoni llogari ju që u thatë shqiptarëve: të vjedhësh energjinë është e drejtë njerëzore? Që kjo është një aferë e madhe, është. Por ju nuk jeni në pozicionin për të akuzuar askënd dhe unë shpresoj të jeni në bankën e të akuzuarve për atë që i ndodhi sektorit energjitik gjatë qeverisjes tuaj, duke filluar që nga privatizimi e deri tek pazaret e ngritura, ato të prishura dhe përzënia me policë e pronarëve të ligjshëm të kompanisë.
Marrëveshja me CEZ ishte një shpëtim në planin financiar, ekonomik dhe politik të Shqipërisë. Përfaqësuesi i Sekretariatit të Energjisë e tha qartë, se Shqipëria do të ishte një simbol turpi nëse nuk do ta bëntë këtë marrëveshje. (E.K/SHUPLAKA)
