Edhe pse me masën e sigurisë së arrestit të shtëpisë, ish-nëndrejtor i Përgjithshëm i Burgjeve, Iliaz Labi feston Vitin e Ri jashtë ambjenteve të banesës dhe nën shoqërinë e shampanjës.
Nuk e kanë nxjerrë ‘’armiqtë” zbuluar, pasi ka qenë vetë gruaja e tij ajo që ka shpërndarë disa filmime në Instagram.
Të pyetur nga mediat nëse kishte marrë apo jo leje, si prokuroria, si policia u përgjigjen që jo.
Ish zyrtari Labi, ka marrë statuesin e të penduarit të drejtësisë. Në procesin gjyqësor ndaj tij i pandehuri mungonte për shkaqe familjare. Gjithsesi mungesa e tij nuk u bë pengesë për bllokimin e procesit.
Edhe ish-eprori i tij, Artur Zoto u soll forcërisht në gjykatë. Ata akuzohen për afera korruptive.
Ish-drejtori i Përgjithshëm Zoto dëshmoi në gjyqin e Labit duke treguar se ai prej kohësh kishte marrëdhënie të këqia me ish-vartësin dhe se tenderi i ushqimeve ishte zhvilluar në kushtet e emergjencës, pasi nuk kishte ushqime në burgje.
Të dy ish-zyrtarët e burgjeve po gjykohen veçmas, por Iliaz Labi për shkak të bashkëpunimit prej muajsh e ka lënë qelinë.
(E.K/FAXWEB)
Discussion about this post