Tërmeti që ra pak minuta më parë ka shkaktuar jo pak panik në rradhët e qytetarëve, po pse jo dhe vetë njerëzve të medias që kanë qenë duke transmetuar live.
Gazetarja e Fax news në Durrës Elitjona Doko e ka përjetuar live tërmetin, teksa ka qenë në lidhje me minatorët që protestonin për të drejtat e tyre, ndërsa në studio ishte gazetarja Armela Ferko.
Raportohet se në Tiranë tërmeti ka pasur magnitudë 5.6 ballë, ndërsa janë pezulluar punimet në të gjitha komisionet parlamentare.
Mësohet se lëkundjet janë ndjerë dhe në qytete të tjera të vendit si Durrës, Krujë, Shkodër, Kukës, Fier, Elbasan, etj.
Një numër shumë i madh njerëzish kanë dalë në rrugë, ndërsa derimë tani nuk raportohet që të ketë njerëz të lënduar.
Derimë tani mësohet se epiqendra e tërmetit ka qenë në Gjirin e Lalëzit, ndërsa kanë shfaqur probleme dhe linjat e telefonit. Ndoshta pasi një pjesë e mirë e qytetarëve janë përpjekur që të lidhen me familjarët e tyre.
(E.K/FAXWEB.AL)
Discussion about this post