Një i moshuar ka humbur jetën në autobus, ndërsa po udhëtonte nga Shqipëria drejt Greqisë. Mësohet se ngjarja ka ndodhur një ditë më parë, kur vdekja e 80-vjeçarit me inicialet Dh.L është kuptuar vetëm në momentin që ka mbërritur në doganën e Kapshticës.
Policia bën me dije se autobusi me targa NIX9513 po udhëtonte drejt Greqisë dhe kishte zbritur pasagjerët për të dorëzuar pasaportat në pikën kufitare dhe vetëm aty është konstatuar se 80-vjeçari nuk kishte shenja jete.
Pas ekspertizës mjeko-ligjore, rezultoi se i moshuari nuk kishte shenja dhune apo dëmtime të tjera trupore dhe bëhet fjalë për vdekje natyrale.
“Komisariati i Policisë Devoll
Më datë 14.07.2017, në Pikën e Kalimit Kufitar në Kapshticë, ka gjetur vdekjen shtetasi Dh.L, 80 vjeç, banues në Korçë, i cili ishte pasagjer në autobuzin me targa NIX9513 dhe udhëtonte drejt Greqisë.Gjatë kqyrjes së kufomës nuk janë konstatuar shenja dhune apo dëmtime të tjera trupore dhe rezultoi se vdekja ka ardhur nga shkaqe natyrale. Materialet i kaluan Prokurorisë së Rrethit Gjyqësor Korçë për “Vdekje natyrale”.”, thuhet në njoftimin e policisë. (D.D/Shuplaka)
