Kupa italiane e Futbollit të Serisë D, nuk do të zhvillohet siç ishte planifikuar këtë fundjavë, por do të shtyhet për më vonë. Siç bëjnë me dije mediat italiane, vendimi është marrë nga LND, e cila ka vendosur që të respektohet dita kombëtare e zisë për tragjedinë që goditi qytetin e Genovës.
Në veçanti vendimi i LND-së, shkon në memorie të 28 vjeçarit Marjus Djerri që humbi jetën ditën e tragjedisë së Genovas. 28 vjeçari nga Shqipëria ishte sulmues në Campi Corviglianese, një skuadër e kategorisë së dytë të Ligurias,shkruan Faxweb.
Ëndrra e të riut nga Shijaku ishte të bëhej një futbollist profesionist, një ëndërr e ndërprerë me shembjen e urës “Morandi” në Genova, që rezultoi fatale edhe për të.
28 vjeçari u nxorr nga rrënojat në prani të familjarëve të tij ku edhe u konfirmua lajmi tragjik i vdekjes së tij.
(J.D/Faxweb.al)
Discussion about this post