Ishte shpallur në kërkim për “plagosje të rëndë me dashje”, arrestohet në Kapshticë 30-vjeçari

Është arrestuar nga Policia Kufitare e Kapshticës 30-vjeçari Aleks Dushku i shpallur në kërkim për “Plagosje të rëndë me dashje”. 

KAPSHTICË

Policia Kufitare ndalon në hyrje të Republikës së Shqipërisë, një shtetas të shpallur në kërkim, të dënuar me 4 vite heqje lirie për veprën penale :

“Plagosja e rëndë me dashje” lidhur me një ngjarje të ndodhur në fshatin Petrushë-Pogradec, më 15.02.2015. Më datë 19.06.2017, shërbimet policore të Pikës së Kalimit Kufitar Kapshticë, në hyrje të Republikës së Shqipërisë, bënë ndalimin e shtetasit në kërkim :

Aleks Dushku, 30 vjeç, banues në Pogradec. Ndalimi i tij u bë pasi Gjykata e Rrethit Gjyqësor Pogradec, me vendim nr 302/72 të datës 03.05.2017, e ka dënuar këtë shtetas me 4 vjet burg për veprën penale : “Plagosja e rëndë me dashje” parashikuar nga neni 88/1 i Kodit Penal, lidhur me ngjarjen e ndodhur më datë 15.02.2015, në fshatin Petrushë-Pogradec, ku ky shtetas në bashkëpunim me M.F, 38 vjeç, banues në Pogradec, pas një konflikti për motive të dobëta, kanë goditur me sende të forta shtetasin B.B Veprimet e mëtejshme proceduriale në lidhje me këtë rast, u kryhen nga specialistët e Seksionit për Krimet në Komisariatin e Policisë Pogradec. 

(E.K/SHUPLAKA)